Ombudsmanın Şimal Regional Mərkəzi tərəfindən “Vətəndaşların seçki hüququnun təmini” mövzusunda maarifləndirmə tədbirləri keçirilib

Azərbaycan Respublikasının İnsan Hüquqları üzrə Müvəkkilinin (Ombudsmanın) Şimal Regional Mərkəzi tərəfindən Quba və Qusarda Azərbaycan Respublikasının Milli Məclisinə növbədənkənar seçkilərlə əlaqədar “Vətəndaşların seçki hüququnun təmini” mövzusunda silsilə maarifləndirmə tədbirləri keçirilib.

Rayon gənclərinin və ictimaiyyət nümayəndələrinin iştirak etdiyi tədbirlərdə Regional Mərkəzin rəhbəri B.Əfəndiyev Azərbaycan Respublikasının Seçki Məcəlləsinin müddəaları, səsvermə prosesinin təşkili, müşahidəçilərin hüquq və vəzifələri, seçki komissiyaları üzvlərinin funksiyaları, seçicilərin hüquqları və digər məsələlər barədə məlumat verib, seçki hüququ ilə bağlı əhalinin maarifləndirilməsi məqsədilə Ombudsman Aparatı tərəfindən silsilə tədbirlərin həyata keçirildiyini bildirib.

Sonda iştirakçıları maraqlandıran suallar cavablandırılıb.