Bakı Beynəlxalq Konfransı zamanı Birgə Bəyannamə qəbul edilib

“Biznes və insan hüquqları sahəsində ombudsmanların və milli insan hüquqları təsisatlarının rolu” mövzusunda Ombudsmanların və Milli İnsan Hüquqları Təsisatlarının Bakı Beynəlxalq Konfransının yekununda Birgə Bəyannamə qəbul edilib.

Konfrans iştirakçıları digər məsələlərlə yanaşı, müharibə cinayətləri, sosial-iqtisadi və mədəni infrastrukturun tamamilə dağıdılması, ərazilərin minalarla çirkləndirilməsi, mülki əhalinin həyat və sağlamlığı, biznesin inkişafı üçün ciddi təhlükə yaradan vandalizm aktlarına qarşı mübarizənin labüdlüyünü vurğulayıblar. Silahlı münaqişələr zamanı beynəlxalq humanitar hüquq normalarının pozulması ilə törədilən sülh və insanlıq əleyhinə cinayətlərin qarşısının alınması məqsədilə beynəlxalq müstəvidə birgə mübarizə aparılması barədə razılığa gəliblər.

Bəyannamənin tam mətni ilə buradan tanış ola bilərsiniz.