Ombudsman Aparatının əməkdaşları Silahlı Qüvvələrin Baş Klinik Hospitalına baş çəkiblər

Azərbaycan Respublikasının İnsan Hüquqları üzrə Müvəkkili (Ombudsman) Aparatının Hərbi qulluqçuların hüquqlarının müdafiəsi sektorunun müdiri Fəzail Həsənov və sektorun baş məsləhətçisi Adil Hacıyev Müdafiə Nazirliyinin səlahiyyətli nümayəndəsi ilə birgə Azərbaycan Respublikası Silahlı Qüvvələrinin Baş Klinik Hospitalına başçəkmə həyata keçiriblər. 

Başçəkmə zamanı hospitalın bölmələrinə, maddi-təminat obyektlərinə, eləcə də mətbəxə, ərzaq anbarına və digər obyektlərə baxış keçirilib, həkimlər və burada müalicə alan hərbi qulluqçularla fərdi söhbətlər aparılıb, onları maraqlandıran suallar cavablandırılıb. 

Ombudsman Aparatının nümayəndələri göstərilən tibbi xidmətin səviyyəsindən və müalicə işinin səmərəli təşkilindən razılıqlarını ifadə ediblər.