Please ensure Javascript is enabled for purposes of website accessibility Azərbaycan Respublikasının İnsan Hüquqları üzrə Müvəkkili (Ombudsman)
916
Çağrı mərkəzi 916

Ombudsman Aparatında yeni monitorinq qrupları yaradılıb

15-10-2024 73 dəfə oxunub
Ombudsman Aparatında yeni monitorinq qrupları yaradılıb

“Azərbaycan Respublikasının insan hüquqları üzrə müvəkkili (ombudsman) haqqında” Azərbaycan Respublikasının Konstitusiya Qanununa edilən dəyişikliklərə əsasən Ombudsmanın insan hüquq və azadlıqlarının daha səmərəli müdafiəsi sahəsində səlahiyyətləri genişləndirilib.

Təsbit olunmuş səlahiyyətlərə müvafiq olaraq Müvəkkilin təşəbbüsü əsasında Ombudsman Aparatında “Əlilliyi olan şəxslərin hüquqları haqqında” Konvensiyanın və “Uşaq hüquqları haqqında” Konvensiyanın həyata keçirilməsi, Bərabərlik hüququnun təmin edilməsi və ayrı-seçkiliyin qarşısının alınması üzrə monitorinq qrupları yaradılıb.

Monitorinq qruplarının yaradılmasında əsas məqsəd Müvəkkilin “Əlilliyi olan şəxslərin hüquqları haqqında” və “Uşaq hüquqları haqqında” konvensiyaların implementasiyasının təşviqi, eyni zamanda, bərabərlik hüququnun təmin edilməsi və ayrı-seçkiliyin qarşısının alınması sahəsində müstəqil monitorinq mexanizmi funksiyalarını həyata keçirməkdən ibarətdir.