Ombudsmanın Şimal-Qərb Regional Mərkəzinin əməkdaşları Vətən müharibəsi şəhidi Ruslan Sadıqovun ailəsini ziyarət ediblər

Azərbaycan Respublikasının İnsan Hüquqları üzrə Müvəkkilinin (Ombudsmanın) Şimal-Qərb Regional Mərkəzinin  əməkdaşları 44 günlük Vətən müharibəsində şəhid olmuş Azərbaycan Respublikası Daxili İşlər Nazirliyinin Daxili Qoşunlarının baş çavuşu Sadıqov Ruslan Amiraslan oğlunun valideynlərini ziyarət ediblər.

Görüş zamanı Ombudsmanın nümayəndələri ailənin qayğıları ilə maraqlanıblar. Görüşdə həmçinin Ombudsman Səbinə Əliyeva tərəfindən Vətən müharibəsi şəhidlərinin ailələrinin, müharibə əlillərinin və veteranlarının hüquqlarının təmin olunmasına xüsusi diqqət və qayğı ilə yanaşıldığı bildirilib, bu sahədə həyata keçirilən fəaliyyət haqqında məlumat verilib.  

Qeyd edək ki, Vətən müharibəsi şəhidi Ruslan Sadıqov "Vətən uğrunda" və "Şuşanın azad olunmasına görə" medalları ilə təltif edilib.